Մոսկվան Հայաստանին ստիպում է փնտրել այլընտրանք․ Կօգտվի՞ Հայաստանն իր շանսից

Հայաստանի վարչապետն ու նախագահը շնորհավորական ուղերձներ են հղել Թուրքմենիայի նախագահ Գուրբանգուլի Բերդիմուհամեդովին՝ ծննդյան տարեդարձի առիթով, հայտնելով երկկողմ բարեկամական կապի խորացման հույս:

Նա դառնում է 63 տարեկան: Ի դեպ, Բերդիմուհամեդովը հենց հունիսի 29-ին ծննդյան տարեդարձով էր պատճառաբանել հունիսի 24-ին Մոսկվայի շքերթին չմեկնելը, որ դա մարգարեի տարիքն է, եւ ավանդույթը պահանջում է տոնել այն ընտանիքի, հարազատների ներկայությամբ: Ակնհայտ է սակայն, որ բուն պատճառը աշխարհակարգային վերափոխման շրջափուլն է, որում ցանկություն չկա հայտնվել մեկ անձի հավակնությունների «ռեկվիզիտի» դերում: Այն էլ անձի, որն ակնհայտորեն գտնվում է քաղաքական ստագնացիայի փուլում եւ այդ շրջափուլ է մտցրել նաեւ Ռուսաստանը, աշխարհքաղաքական պատասխանատվության այն գոտու համար ռիսկերով հանդերձ, որ ընդունված է համարել հետխորհրդային տարածություն:

ՌԴ նախագահի հրավերը մերժեց ոչ միայն Բերդիմուհամեդովը, այլ գործնականում բոլորը, ում հրավիրել էին՝ ԱՄՆ, Չինաստան, Ճապոնիա, Ֆրանսիա, Գերմանիա, Իսրայել, Չեխիա, Խորվաթիա, Հայաստան, Ալիեւ: Կիրգիզիայի նախագահն անգամ մեկնելով Մոսկվա, վերջին պահին ուղեկցողների շարքում կորոնավիրուսի առկայության պատճառաբանությամբ չմասնակցեց շքերթին:

Շարունակությունը՝ տեսանյութում